Ezekiel 24
An Beel
1A kum kuana, a kha sawmna a nisawmna ni-in TOPA thu kei tungah hong tunga: 2“Mihing tapa aw, hih ni, hih ni linlian ciamteh in, bang hang hiam cih leh Babylon kumpipa in hih ni lianin Jerusalem umcih ding hi. 3Hih a lehdo innkuante tungah gentehna khat gen inla amaute kiangah, ‘Hih in Thupipen TOPA gen ahi hi: a “An huanna beel suang in;suangin a sungah tui buk in.
4 A sungah sa atnensa -
a pheisa le a liangsa a limci teng inla khah in.
Hih a limci a guh hoih pente tawh dimsakin; b
5 ganhonte lak pan teelkhia in.
A guhte ui nadingin a nuai-ah sing ciang in;
tui sosak inla
a sunga saguhte huan in.
6 “‘A hangin, hih in Thupipen TOPA gen ahi hi: “‘Sisan a luangsak khuapi in c
tu-in gimna thuakin beel sungah ki-ui a,
a kanggep kinawtkhia zo nawn lo ding hi!
Sabak teeltuam loin
bak khat khit bak khatin thukkhia khin in. d
7 Ahang in, tuanu laizangah
amah mah in sisan a luangsak hi.
Tuanu in tuate leivui vuh theih nading e
leitungah sung loin suang gawtak lakah a sung hi.
8 Thangpaihna khangin phu kilak nadingin
a kivukmang theih loh nadingin
tuanu sisan suang gawtak lakah ka hici koih hi.
9 “‘Tua ahi ciangin hih in Thupipen TOPA gen ahi hi: “‘Sisan a luangsak khuapi in gimna thuak ta hen!
Kei zong, sing ka cihbeh ding hi.
10 Sing tampi cihbeh unla
mei tawhkuang un.
Sa limtakin ui unla
a sa lakah masala khahin tokzan dikdek un;
a guhte kanggepsak un.
11 Tua ciangin a nitnate tuikhia a,
a sumngo citak kia a om theih nading dongin mei-am kuang tungah belhawm suang un;
tuaci-in a siantholohna khempeuh tuisuak dinga
a kanggepte kangtum ding hi. f
12 A baang khempeuh a kikhuahsiang hangin
kanggep lua ahi manin
mei nangawn in a khuahsiang zo kei hi.
13 “‘Tu-in na siantholohna pen huukna a hi hi. Bang hang hiam cihleh nang hahsiang kong sawma a hi hangin na siantholohna panin na siang thei tuan kei hi. Nang tunga ka thangpaihna na daihsak matengin hong kikhuah siang thei lo hi. g 14 “‘Keimah TOPA in ka gensa ahi hi. Ka sep ding hun tung zo hi. Ka dok kik nawn kei ding hi. Ka hehpih kei dinga, ka lungsim zong ka khiam tuan kei ding hi. Na gamtatna zui-in na sepsate tungah thu hong kikhen ding hi, Thupipen TOPA in cikhia hi,’ ci in,” hong ci hi.
Ezekiel’ Zi Si
15 TOPA thu kei tungah hong tunga: 16“Mihing tapa aw, na etlah pen thakhatin kong laksak mang ding hi. Tua hi napi taamlo kei inla kap loin na khitui zong luangsak kei in; 17Daitakin humham in; tua misi hangin thum kei in. Na dial na khip ngei-in khim inla na khedap na bulh ngei-in bulh in; a dah mite an nek ngeite ne loin na maitang nuailam zong khuh tuan kei in,” hong ci hi. h 18 A zingsang ciangin mite tungah ka gen a, a nitak ciangin ka zi si ta hi. A zingciang zingsangin kei hong kisawl bangin ka om hi. 19 Tua ciangin mite in, “Hih nate kote tawh bang kici sai hiam, cih hong gen lo ding na hi hiam?” ci-in hong dong uh hi. 20 Tua ciangin amaute kiangah, “TOPA thu ka tungah hong tunga: 21Israel innkuante tungah gen in, ‘Hih Thupipen TOPA gen ahi hi: Keimah in na kisaktheihpih uh kulh muanhuai sunga om note mit hong la pen pammaih na sak pen uh - ka munsiangtho ka ninsak ding hi. Na nusiat uh na tanu na tapate uh namsau-in a puk ding uh hi. 22Tua ciangin ka hihsa bangin na hih ding uh hi. Na maitang nuailam uh na khuh kei ding uh a, a dahte annek ngeinate zong na ne kei ding uh hi. 23Na dial uh na khip ngei-un na khim ding uh a, na khedap uh na bulh ngei-un na bulh ding uh hi. Kap loin thum zong na thum kei ding uh hi; ahi hangin na mawhnate uh hangin ▼▼24.23 Ahikeh lamsang
hingkiamin note lak mahah na humham ding uh hi. 24Note adingin Ezekiel lim ahi ding hi; ama sep bang tektekin na sem ding uh hi. Hih thu hong pian ciangin note in keimah Thupipen TOPA ka hilam na thei ding uh hi,’ hong ci hi. j 25 “Tua ciangin nang mihing tapa aw, a kulh muanhuaite uh, amaute lungnopnate a minthanna a mit ua a et cimloh uh a lungsim ua a iplahte uh, le a tanu a tapate uh ka laksakkhop ni ciangin - 26tua ni-a thupiang gen dingin a taimangsa khat nang kiang hong tung ding hi. 27Tua hun ciangin na kam kihong ding hi; amah tawh na kiho dinga na daicip nawn kei ding hi. Tua bangin amaute adingin lim na suak dinga, amaute in keimah TOPA ka hilam hong thei ding uh hi,” hong ci hi. k
Copyright information for
ZomZIV